IMNA

ဌာန္ပရိုင္ဗၜးၐးမန္-တၛဲေကာန္ဂကူမန္ ဍဳင္ေသင္ကေပါဝ္ဂွ္ မေကၜာန္ဗဒွ္ကၜဳင္မံင္ ပႜဲဘာလက်ာ္ဗဿာ ႏူသှာံ ၂၀၀၆ ေတံကုီေလဝ္ ဟိုတ္ႏူအေခါင္ဟုီဂး ထၞးပ်းေယန္သှာင္ ဟြံသၜးပြးတုဲ ပႜဲမရႏုက္ကုႝ ၆၄ ဝါ သှာံဏံဂွ္ ျပံင္ဆုဲေကၜာန္ဗဒွ္ လပၚ ဇေရင္ Informatics Campus ေတံရ။
“ေကၜာန္ကၜဳင္မံင္ ဇေရင္ဘာလက်ာ္ဂွ္ ဟိုတ္ႏူကုႝ အေခါင္ထၞးပ်း အာဲကဿာဲေယန္သှာင္မန္ဇကု ဟြံမြဲဂွ္ေလဝ္ကုီ၊ အေခါင္ဟုီဂး ေအာန္မံင္ေလဝ္ကုီတုဲ ပု႙ဒးဆုဲျပံင္တိတ္ ဒှာဲဗၜးၐးဏံ” သာ္ဝြံ ညးတာလ်ိဳင္ ေကၜာန္ဗဒွ္ သဘင္ကှာမြဲတၜ ဟုီရ။
ပႜဲဂိတုေဖဖဝ္ဝါရ႘ ၁၉ သှာံဂွ္ ဒွ္တၛဲေကာန္ဂကူမန္ မရႏုက္ကုႝ ၆၄ ဝါကုီေလဝ္ ဟိုတ္ႏူအကာဲအရာ သဿာကေမၜာန္ ဍဳင္ေသင္ကေပါတ္တံတုဲ ပႜဲတၛဲ ၂၀ ဂွ္မွ ေကၜာန္ဗဒွ္ သဘင္တၛဲေကာန္ဂကူမာန္ရ။ ပုရိသာတ္ လဿိဟ္ ၇၀၀ တၜ တိုန္စိုပ္အိုတ္ေရာင္ ညးမတိုန္စိုပ္သဘင္ကှာမြဲတၜ ဟုီရ။
အခိင္ႏူဂယး ၐိုတ္ ၁၀ နာဍ႘ျပင္ဂွ္ စအေသအဟာန္တုဲ ေကၜာန္ဗဒွ္ အတိုင္အေသအဟာန္ မေကၜာန္ဗဒွ္ အပႜဲဍဳင္မန္ေတံကုီရ။ ေရွ္ေသွ္အလာံၐိုပ္ထဝ္၊ နာယက နာဲထဝ္ရတ္မန္ ဗွ္လိက္သဝဏ္ တၛဲေကာန္ဂကူမန္ ဗဟုႝ (ဍဳင္ျဇပ္ဗု) တုဲ ဖါပ္သင္ကုႝဒါန္ ကုခမ႘သင္တံရ။
အခိင္ေဒါဝ္တၛဲ ၁၂ နာဍ႘ဂွ္ ေလွ္ထၞးပ်း ကြိင္ကြိဳက္အခိုက္ကှာမန္တုဲ လကၠရဵအိုတ္ဂွ္ ဖံက္ကုႝမာဲ လာဘ္ ၃၇ လာဘ္ ကုညးမတိုန္စိုပ္ အေသအဟာန္ရ။ အခိင္တၛဲေစင္ ၂ နာဍ႘ဂွ္ အစ႘အဇန္ တၛဲေကာန္ဂကူမန္ တုဲဒွ္အာရ။
“သှာံဏံ တၛဲဏံ ဂြံဆုႝေကတ္ဗုီဏံဂွ္ ပႜဲစိုတ္အဲ မိပ္ေသၜာင္ေကြံေကြံ၊ ယးသှာံေတွ္ ညံင္ဂြံေကၜာန္အာ ခိုဟ္ႏူဏံဂွ္ ကမၼတ႘ ေကၜာန္ဗဒွ္ တၛဲေကာန္ဂကူကုီ ပုရိသာတ္ တိုန္စိုပ္တၛဲေကာန္ဂကူကုီ ေကတ္လဝ္ တင္တုပ္စိုတ္တုဲ ေဖ်ံလဝ္သၢဳတ္သြာတ္တုဲယ်” သာ္ဝြံ နာဲအံင္မန္ ညးမပါလုပ္ ပႜဲအရာစဒက္ပတန္ကၜဳင္လဝ္ ဂေကာံေကၜာန္ဗဒွ္ တၛဲေကာန္ဂကူမန္ ဍဳင္ေသင္ကာေပါဝ္ဂွ္ ဟုီရ။